|
MAAYONG KAHIMTANG SA LUNGSOD SA 2009
Written by manong
Saturday, 13 March 2010 07:07
Si Mayor Toto Lim motaho ngadto sa sa sangguniang bayan sa Lunes, Marso 15, ala 1:00 sa hapon ug sa katawhan sa lungsod sa Martes, Marso 16, alas 9:00 sa buntag diha sa Luga-hait Freedom Park mahitungod sa kahimtang sa lungsod niadtong tuig 2009.Siya magbalita sa maayong kahimtang sa lungsod.
Atong nakutlo sa mga pamahayag niini sa iyang puhon isulti, siya magkanayon nga ang panudlanan sa lungsod himsog. Adunay kita nga P62,153,191.04. Migasto lamang kini sa P47,929,394.43. Adunay sobra nga P14,223,796.61.
Sa implementasyon sa Lugait Ipatunhay ug Mahalon Program 3, atong mahibaloan nga adunay 83% nga nahimo sa economic sector. 50% sa socio-cutural sector. Adunay 67% sa infrastructure. Ang environment adunay 44%. 50% sa institutional sector. 58.80% ang kinatibuk-an nato nga pagpahigayon sa mao nga plano sakalambuan. 70% sa mga buot himoon nga mga ordinansa ug resolusyon napanday sa sangguniang bayan.
Sa natad sa Local Government Performance Measurement System, nahibaloan ang ang lungsod nakakuha ug kinatibuk-an rating nga HIGH o 4.0 nga ang pinakadako mao ang 5.0. Nahibaloan nga ang pagdumala sa panudlanan HIGH labi na sa maayng pag-apud-apod ug maayong paggamit sa mga pundo.Sa kalambuan, HIGH gihapon ang rating nga nakuha labi na sa natad sa kalambuan sosyal, ekonimikanhon, ug kinaiyahan. Mga timailhan niini mao ang padayon nga pag-ila sa mga maayong pagdumala sa lungsod pinaagi sa pagdawat sa mga pasidungog. Dili pa lamang dugay mao ang pasidungog sa Sangguniang Bayan isip Outstanding Sanggunian sa Lalawigan sa Misamis Oriental ug sa pagnominate niini sa rehiyonal nga awarding.
Iyang isugilon nga niadtong milabay nga tuig iya nga gipaadtuan ang kabarangayan ug mga eskwelahan aron mahimo ang usa ka assessment ug planning. Ang mga proyekto maoy naglangkob sa plataporma de gobyerno niini sa piniliay sa 2010 ug maoy LIM 4 na usab.
Ang mayor mapasalamaton sa katawhan tungod sa walay puas niini nga suporta nga gihatag ngadto kaniya.
============================================================
Well, well, well, well! Great news for Lugaitnons! Finally, we’re hearing something really good from our very well paid (ahem!) local municipal Mayor Wellie G. Lim through Manong. This is real music to my ears, baby! But, hear this! Kini akong gi-post sa atong Lugaitnons’ Friendster site atong petsa siyete, bulan sa Pebrero nga nag-ingon,
Pakighisgot kabahin sa atong lungsod, next! Palihug i-check ang Friendster Bulletin. Mao kini ang pagahisgutan sunod: tubig-ilimnon, suga sa kadalanan, government employee bonuses, kalingawan sa Pista, ug uban pa nga nagkinahanglan ug dakong pagtagad.
Mao kini ang mga tubag nga akong nakuha, ug ang uban will not be publicized, unfortunately. They said they don’t want to get involved. But their complaints need to be discussed.
Here are the replies I got:
Feb 7, 07:46 PM
marycil: “im looking forward sa hisgot sa lungsud especially sa kalingawan sa lungsud kay i was really surpise when i looked the stage for ms.lugait ingon ana na ba ka poor??? i thought dunay budget.... more details coming up...c”
Feb 7, 07:46 PMleo: “tubig importante sa tanan sa purok rizal sa una abunda kau ug tubig karon ambot lang ug makapuno ug usa ka balde,mau unta mahatagan ug pagtagad sa mga namunoan sa lungsod”
“Atong nakutlo sa mga pamahayag niini sa iyang puhon isulti, siya magkanayon nga ang panudlanan sa lungsod himsog. Adunay kita nga P62,153,191.04. Migasto lamang kini sa P47,929,394.43. Adunay sobra nga P14,223,796.61.”
It is stated above that 48 million pesos (rounded up) were spent. I have one question. For what, exactly, did the citizens’ money go? Where is the public line item listing of the expenditures? Does anyone in our dear government know for sure? We can be absolutely sure that all the government employee outings or field trips were included in the whole shebang.
But the question is, with the estimated 48 million pesos expenditures, asa man ang uban niini nipaingon? Naatiman ba ang mga panginahanglon sa atong lungsod ug lungsoranon? Kay basi lang sa akong nakuha nga impormasyon, grabe na kuno ka ngitngit ang mga kadalanan, ug dulom na kuno ang lungsod. You know what that means? That’s called neglect gikan sa atong mga nagdumala sa lungsod. Asa naman ang government funding for street lights? Asa naman ang light maintenance para sa tibook lungsod? It’s a matter of public safety! Anaa’y katungod ang katawhan nga makabaton ug kadan-ag sa palibot ug ilabina sa mga kadalanang publiko. Ang kahayag kay dako kaayo kining panginahanglanon sa atong palibot ug kadalanan kay para malikayan, masanta, sa atong mga lumulupyo ang pagpang-assault, pagpanglugos sa atong mga kabataan ug kababaihan, pagpangawat ug ang pagka-disgrasya sa kadalanan.
Tubig. Yes, usa pod kana ka importante’ng panginahanglanon sa atong katawhan. Apan moingon ako, anaa’y dakong kalabutan ang Holcim Cement Corporation sa atong water table sa atong lungsod. You may not know what a water table is. Let me tell what it is. Ang water table kay mao kini ang distansya o gilay’on gikan sa tinubdan sa tubig diin kini nahimutang paingon sa ibawbaw sa yuta (from under the ground - *which the subsurface material is fully saturated with water). Kini mag-range nga gilay’on from few meters to hundreds of feet below the surface. Usually, mao kini ang basihan kung magpahimo kamo ug poso (water pump).
Ang mga rason diin nagkanihit ang supply sa atong tubig tungod sa mga mosunod:
- Deforestation
- Holcim Cement Corporation’s plant expansion
- Pumping huge amount of water from the ground for cement processing
Deforestation. Kung ang mga kakahuyan pamutlon, ang tubig-ulan, instead nga mosunop pailalum sa kayutaan, modagayday kini paingon sa nowhere land (haha!). Actually, mopaingon kini sa kadagatan. Maong gikinahanglan gayud ang tree planting para mapulihan katong mga pinutol nga kakahuyan. Ang mga gamut sa kakahuyan maoy pamaagi para mosunop ang tubig-ulan paingon sa kinailadman diin ang tinubdan sa atong tubig nahimutang. Unsaon nalang pagsunop sa tubig-ulan kung wala na kita’y daghang kakahuyan sa atong kabukiran ug palibot?
Cement plant expansion. Kung anaa’y expansion, of course, ang atong kakahuyan and our ecological system is disrupted… not disrupted, but undergoing “profound systematic destruction”, blocked from public view by well maintained, huge company walls and buildings… our municipal disgrace.
Pumping water from the ground for cement processing. Well, sure! Asa man diay nila kuhaon ang tubig, sa Africa? Of course, sa atong lungsod mismo! Sa ka dako sa planta, nagkinahanglan pod kini ug huge amount of water. Our water is being sucked up by Holcim. They don’t even care for us. Responsibilidad sa Holcim ang pag-atiman kanatong mga lumulupyo kay anaa sila nahimutang sa atong tugkaran. Yup! Unsa ba’y ilahang nahatag sa mga lungsoranon? Scholarship program ug cement para sa GK Housing project nga ang kapaingnan sa mga beneficiaries kay mamahimong fish food? Dili lang kana! Ang mga panimalay niining mga beneficiaries kay ang higala mao ang balod ug baha. Huh? Aside pa ana, nag-supply ba sila ug tubig sa atong katawhan? Wala man gani sila naghatag ug tabang sa mga nag-suffer sa chronic bronchitis, asthma ug uban pa - nga sila ra ba ang maong hinungdan, tubig pa kaha? Ang Holcim mao ang hinungdan niining kadaut sa atong pinalanggang lungsod. Tan-awa ang atong bungtod. Pahak! It pisses me off! Balik ‘ta sa tubig nga hisgot. Well, kung nag-supply man ugaling ug tubig ang Holcim sa atong mga lungsoranon, gamay ra pod, ug pagpalapad lang sa ilahang reputation ang ilahang gihimo. Sa kadugayan, ang mahitabo kay mamahimong magpalit nalang kita’g tubig gikan sa atong kasikbit nga lungsod Manticao or Naawan. Forget Dalipuga! I’m sure, naapektuhan pod kaayo sila sa ilahang water table. I bet you, dagkong baha pod ang mopaingon sa ilaha perme. This is bad news. It appears nga ang quality sa atong tubig kay wala’y nada, gitaho kini gikan sa usa sa atong mga lumulupyo. You don’t wanna be drinking our water. I’m telling you. It may be contaminated with heavy toxic chemicals. It’s really hard to know kung unsa ang mga epekto niini. Ipabukal g’yud ninyo for 20 minutes at the most, it might make a big difference sa quality niini. I don’t know. I really don’t know. My concern is, unsa’y mahitabo sa tubig nga contaminated with toxic chemicals, ipabukal, unya imnon on a daily basis?
Aside sa mga issues nga akong gibatbat, sa ako lang namatikdan, mura’g anaa’y pabor-pabor ang pagdumala sa atong tubig, o dili ba kaha pod nga wala’y nagmaneho niini. Ang pangutana: Kinsa man ang publiko’ng opisyales nga mao’y gitahan sa pagdumala sa tubig sa lungsod? I’m talking about a public official. Kay kung wala’y pagtagad ang maong opisyales, usa siya ka wala’y hinungdan nga sulogoon sa atong lungsod, ug gikinahanglan nga mapapahawa siya sa iyahang katungdanan.
Feb 7, 07:46 PM
marycil: “im looking forward sa hisgot sa lungsud especially sa kalingawan sa lungsud kay i was really surpise when i looked the stage for ms.lugait ingon ana na ba ka poor??? i thought dunay budget.... more details coming up...c”
Kung kini ang akong pagahisgutan, even then, bisan pa man nga oppose ako niini nga pasundayag, the stage should have been decorated a little bit. I would say the stage was rather thrashy-looking. It was an embarrassment for our community. Well, I think it was for the better anyhow, para wala na’y mga “guwapa ug utokang dalaga” nga mo-join, mga pangit ug bugo nalang. Hahaha… I’m just kidding. Basin panahon na dayon nga mo-join ‘ko. I-memorize na dayon nako ang ABC ug ABAKADA. I would win. I’m really good at it. Enough about that! My point is: there shouldn’t be anymore beauty pagents of any sort. It isn’t good for our young people. Ang hitsura sa usa ka tawo kay dili man importante. Dapat mao kana’y itanum sa hunahuna sa atong mga kabatan-onan. Ang kalidad sa usa ka individual mao ang mahinungdanon. Mopaso lang para palakpakan o bugal-bugalan? Mopasundayag sa katahum apan tinabunan sa bagang lipstick ug makeup? Mopakita sa gilas kung unsa ka maayo motubag sa mga pangutana gikan sa mga judges apan tubagon sa memorized nga mga hinimong tubag gikan sa laing baba? Maayo ba kana? Maayong example ba kana sa atong mga kabatan-onan? Hunahunaa kuno pag-ayo.
Lain po’y ato, pila man ang nikabat nga kantidad nga nahatag nga bonuses sa atong tibook government employees? I bet you, it was huge! They don’t deserve it. PERIOD! Well, probably a few were deserving tungod sa ilahang pagka-responsible, pagka-dedicated in serving the public ug pagka-hardworking. I just wish nga ang article nga sinulat ni Manong kay itemitized ang expenditures sa atong lungsod kay para pod atong mahibaloan.
Importante nga pangutana: Sa adlaw sa Pista, kinsa ma’ng kuwarta ang gigamit para sa dakong kombera ngadto sa balay sa atong mayor? Kay basi sa akong nahibalu-an, daghan kuno kaayo’ng tawo –from government employees to celebrities – tanan, invited! Makahibulong man gud. Bisan si-kinsa nga dato, ingon ato nga gasto kay talagsaon ra kaayo.
Sa ato po’ng municipal ug nagkalain-laing offices kay daghan na kaayo kita’ng mga sulogoon sa lungsod, mura’g mga lamigas. Damn! It’s making me itchy. Gikinahanglan ba kaayo nato kini para makabaton kita’g himsog ug hapsay nga pang-gobyerno? Unsa ma’y mga trabaho ani nila? Dapat pahibaloon pod kitang mga lumulupyo kung anaa na pod sila’y idugang nga mga trabahante para ato po’ng mahisayran. Anaa kita’y duha ka mga websites intended para niini apan mura’g wala ma’y gamit. Kining field trips or outings sa atong mga government employees, unsa man kini? Anaa ba kini kalabutan sa pang-gobyerno’ng kalihukan? Kinsa man ang nag-gasto niini?
Ang atong local government performance rating sa atong lungsod kay 4.0 to be exact; 5.0 is the highest. Apan ang pangutana karon, unsa ma’y basis niini nga rating? Tan-awa ug sud-onga unya ninyo pag-ayo ang atong lungsod. Anaa ba’y dakong kalambo-an? Naatiman ba ang dapat hatagan ug pagtagad? Unsa ma’y mga kakulangon? Wala kita nagkinahanglan ug mga opisyales nga ang giapas mao ang mga pasidungog ug pagdayeg gikan sa kahitas-an. 4.0 – that’s bullshit! Kung kinsa man ang naghatag niini nga rating, mga buta sila.
The bottom line: Kanang surplus (P14,223,796.61) for the year 2009 nga gitaho sa atong mayor pinaagi sa sinulat ni Manong, kung gamiton lang kana sa mga butang nga nagkinahanglan ug dakong pagtagad, dili pa kana igo. Sa ka dako sa bonuses, field trips, outings and other expenses, ma-igo pa kaha? Hmmm….. I doubt it. You know what I mean? Please! No wonder our town is looking like a third world village.
Ang maayo ug himsog nga lungsod kay nagbaton sa malipayon nga mga lumulupyo diin ang kahapsay ug kaharuhay mao ang nagpatigbabaw.
Daghan salamat kaayo Marycil, Leo, Manong ug ang uban nga nag-contribute para mahisulat ko kini nga tubag.
Lugaitnon
|
Favoured: 0
Here you can find who played well in our game section. Watch the scores